loading...

Alim Qasımov haqqında məlumat

Alim Qasımov

Ümumi məlumatları
Doğum adı Alim Həmzə oğlu Qasımov
Doğum tarixi 14 avqust 1957 (60 yaş)
Nabur, Şamaxı rayonu, Azərbaycan SSR, SSRİ
Mənşə Azərbaycanlı
Üslublar Muğam, müasir muğam
Peşəsi Muğam ifaçısı
Əlaqələri David Vendetta, Fərqanə Qasımova, PRoMete, İslam Şirvani

Mükafatları
Azərbaycan Respublikasının Xalq artisti
"Şərəf" ordeni "Şöhrət" ordeni

Alim Həmzə oğlu Qasımov (d. 14 avqust, 1957, Nabur, Şamaxı rayonu, Azərbaycan SSR, SSRİ) — Azərbaycan muğam xanəndisi və aktyor. O, 1999-cu ildə Beynəlxalq IMC UNESCO Musiqi Mükafatını alıb.

Həyatı
Alim Qasımov 1957-ci ildə Şamaxı rayonunun Nabur kəndində (indiki Qobustan rayonunun inzibati ərazi vahidliyinə daxildir) anadan olub. O, 1978-1982-ci illərdə Asəf Zeynallı adına Bakı Musiqi Məktəbində və 1983-1989-ci illərdə Azərbaycan Dövlət İncəsənət İnstitutunda muğam dərsləri alıb.

Fəaliyyəti
1979-cu ildə Azərbaycan Televiziyası ilə ilk çıxışı olub. 1980-ci ildə Moskvada 22-ci Olimpiya oyunlarında iştirak edib. 1982-ci ildə birinci Respublika muğam müsabiqəsinin qalibi olub.[1] 1983-cü ildə Səmərqənddə keçirilən Beynəlxalq Musiqi Simpoziumuna qoşulub.

1989-cu ildə Moskva, Paris, Mone, Köln, Boxum, Qərbi Berlin, Frazburq, Bazel, Cenevrə, Lie, Amsterdamda konsertlər verib və festivallarda iştirak edib. 1991-cı ildən Paris şəhər Bələdiyyə teatrı - "DE-LE-vill"in üzvüdür.

2000-ci ildə "Love's deep ocean" diski "Avropa Dünya Musiqi xəritəsi"ndə 9-cu yeri tutub və 47 Avropa ölkəsinin radiolarında səslənib. 2000-ci ildə Avropa Nadir Səslər assambleyasının üzvü seçilib.

Hazırda Asəf Zeynallı adına Musiqi Məktəbində və Bakı Musiqi Akadamiyasında çalışır. Azərbaycan Dövlət Opera və Balet Teatrının solistidir.

2009-cu ildə Alim Qasımov ABŞ-ın Corctaun Universiteti və mərkəzi İordaniyada yerləşən Strateji Araşdırmalar Mərkəzinin keçirdiyi müsabiqədə dünyanın ən nüfuzlu 500 müsəlmanı arasında 4 azərbaycanlıdan biri olub.[1]

2012-ci il mayın 26-da Alim Qasımov Bakıda keçirilən 57-ci Avroviziya Mahnı Müsabiqəsinin final mərhələsində Azərbaycan təmsilçisi Səbinə Babayeva ilə eyni səhnəni paylaşıb.[1]

Adlar və mükafatlar
1988 — Beynəlxalq Musiqi Festivalı, I mükafat, Səmərqənd
1988 — Azərbaycan SSR əməkdar artisti]]
1989 — Musiqi medalı, Bonn
1991 — Azərbaycan Respublikasının xalq artisti
1993 — Musiqi medalı, Paris
1994 — Musiqi medalı, Hyuston
1997 — Humay mükafatı
1999 — IMC UNESCO Beynəlxalq Musiqi Mükafatı
1999 — Musiqi medalı
2000 — "Almaniya Fonoqrafik tənqidçiləri"nin diplomu
2001 — "Şərq təranələri" Beynəlxalq Musiqi Festivalı, Səmərqənd[2]
2003 — IMC UNESCO Mükafatı
2008 — "Şöhrət" ordeni
2014 — "Qızıl çinar" beynəlxalq mükafatı[3]
2017 — "Şərəf" ordeni[4]

Albomları
Classical Mugham (3 yanvar 1996)
The Legendary Art of Mugham (15 oktyabr 1997) Alim Qasımov ansamblı ilə
The Art of Mugham: Azerbaidjan (Canlı) (1 dekabr 1997)
The Mugham of Azerbaidjan (1 oktyabr 1999)
Love's Deep Ocean (11 oktyabr 1999) Fərqanə Qasımova ilə
Oyanış (Dekabr 2003) Coldünya ilə
Central Asian Series, Vol. 6: Spiritual Music of Azerbaijan (25 sentyabr 2007) Fərqanə Qasımova ilə
"Intimate dialogue" - Live at Morgenland Festival Osnabrück 2009 Fərqanə Qasımova ilə


Aktyor kimi
Aşıq Qərib (film, 1988)(tammetrajlı bədii film)(Gürcüstan)(rol: ifaçı)
Qəzəlxan (film, 1991)(tammetrajlı bədii film)(rol: xanəndə)

İfaçı kimi
Doğma sahillər (film, 1989)(tammetrajlı bədii film)
Bəxtəvər (film, 1990)(qısametrajlı bədii film)
Gecə qatarında qətl (film, 1990)(tammetrajlı bədii film)
40-cı qapı (film, 2008)(tammetrajlı bədii film)

İştirak etdiyi film
Ver sözə ehya ki... (film, 1989)(qısametrajlı sənədli film)

Bəstəkar kimi
Neft (film, 2003)(qısametrajlı sənədli film)

Mənbə: https://az.wikipedia.org/wiki/Alim_Qas%C4%B1mov